Araada Fiilmii Qunnamtii Saalaa (Pornography) fi Balaa Isaa:
1.Maalummaa Pornography fi Miidhaa Isaa..
Araanni fiilmii quunnamtii saalaa (pornography) balaa hamaa fida, wantoota zinaatti nama dhiyeessan keessaa isa tokkoodha. Wanti namatti fokkataa ta’e kuni fedhii badaaf nama qopheessa, qunnamtii saalaa sirrii irraa nama dachaasa. Ragaa Qur’aanaa: Allah Subhaanahu Wa Ta’aalaa akkana jedha: وَلَا تَقْرَبُوا الزِّنَىٰ إِنَّهُ كَانَ فَاحِشَةً وَسَاءَ سَبِيلًا “Hin dhiyaatina zinaatti; inni dhugumatti yakka fokkataa fi karaa hamaadha.” (Suuraa Al-Israa 17:32) Hiikkaa: Aayah tana keessatti Rabbiin wantoota zinaatti nama dhiyeessan hunda irraa akka fagaannu nu ajaja. Pornography fiilmiiwwan akkasii ilaaluun immoo zinaatti nama dhiyeessa.
2.Miidhaa Pornography
a) Rakkoo Fayyaa Pornography daawwachun qaama fi sammuu miidhun fayyarratti rakkoo fida. ✔️Onnee miidhuu – Dhiibbaa dhiigaa fi dhukkubbii onnee hammeessa. ✔️Hormoonota jijjiiruu – Fedhii qunnamtii saalaa sirrii hir’isu ykn dabaluun balaa fidu. ✔️Ija dadhabsiisuu – Ija dadhabsa, yaadaan nama booji’ame nama godha. ✔️Dhiphinna sammuu (Anxiety) fi Jeqqumsa – Xiyyeeffannaa dhabuu, kophummaa filachuu fida. Ragaa Hadiisa: Ergamaan Rabbii (SAW) akkana jedhan: لَا ضَرَرَ وَلَا ضِرَارَ “Hin miidhiin, hin miidhamanis.” (Sunan Ibn Maajah 2340, Abu Dawud 3841, Ahmad 2865) Hiikkaa: Dhukkuba sammuu fi qaamaa fiduun jireenya namaa miidhuu hin qabu. Pornography immoo miidhaa akkasii qaba. b) Rakkoo Hawaasummaa ✔️Kophummaa filachuu – Namni kun hawaasa keessa seenuu hin fedhu. ✔️Hiriyoota fi maatii irraa fagaachuu – Maatii fi hiriyoota waliin yeroo dabarsuu ni dhiisa. ✔️Hojii fi barnoota irraa hafuu – Kallattiin jireenyaa ni diigama. Ragaa Qur’aanaa: يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ ۚ وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنكَرِ “Yaa warra amantan! Tarkaanfii shayxaanaa hin hordofinaa. Namni shayxaana hordofu, inni wanta fokkataa fi yakkaatti Isiin ajaja.” (Suuraa An-Nuur 24:21) Hiikkaa: Shayxaan namatti fiilmii hamaa mul’isuun badii hamaa keessa galcha. c) Gaa’ela Diigu ✔️Wal-qunnamtii saalaa sirrii irraa fedhii dhabuun wal-shakkii uuma. ✔️Jaalala dhugaa cabsuun bultii diiga. ✔️Fedhii garmalee ta’e off keessatti horsiisuun jaartii/jaarsa ofii gammachiisuu hin dandhabu. Ragaa Hadiisa: Ergamaan Rabbii (SAW) akkana jedhan: خَيْرُكُمْ خَيْرُكُمْ لِأَهْلِهِ وَأَنَا خَيْرُكُمْ لِأَهْلِي “Isin keessaa namni gaariin nama maatii ofii waliin gaarii taheedha. Ani warra kiyyaaf nama gaariidha.” (Sunan At-Tirmidhi 3895, Ibn Majah 1977) Hiikkaa: Namni maatii ofii tajaajiluu fi bultii tasgabbeessuu qaba. Pornography immoo kana diiga. d)Haraama Hojjachuu fi Balaa Addunyaa fi Aakhiraati ✔️Pornography hojjachun, laaluun fi tamsaasuun haraama. ✔️Barakaa jireenya keessaa ni balleessa – Qabeenya, ilmaan, umurii, tasgabbii ni diiga. Ragaa Qur’aanaa: يَا أَيُّهَا الَّذِينَ آمَنُوا إِنَّمَا الْخَمْرُ وَالْمَيْسِرُ وَالْأَنْصَابُ وَالْأَزْلَامُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ “Yaa warra amantan! Dhugumatti, alkooli, qumaara, fakkii sanamaa fi wantoonni shayxaanaa jallina. Isaan irraa fagaadhaa, akka milkooftaniif.” (Suuraa Al-Maa’ida 5:90-91) Hiikkaa: Wantoota Rabbiin dhorke hunda irraa dheessuun nurraa eegama.
3.Furmaata Araada Pornography kana Itti dhiisan
🔹Barnoota sirrii argachuu – Qur’aanaa fi hadiisa irratti hundaayuun dhugaa hubachuu. 🔹Toowbaa qulqulluu gochuu – Ofii sirreessuun gara Rabbii deebi’uu. 🔹Fuudhuu/Heerumuu fi sooma baay’isuun fedhii to’achuu Ragaa Hadiisa: Ergamaan Rabbii (SAW) akkana jedhan: يَا مَعْشَرَ الشَّبَابِ مَنِ اسْتَطَاعَ مِنْكُمُ الْبَاءَةَ فَلْيَتَزَوَّجْ، فَإِنَّهُ أَغَضُّ لِلْبَصَرِ وَأَحْصَنُ لِلْفَرْجِ، وَمَنْ لَمْ يَسْتَطِعْ فَعَلَيْهِ بِالصَّوْمِ، فَإِنَّهُ لَهُ وِجَاءٌ “Yaa dargaggoota! Namni humna qabuu haala sirriin haa fuudhu, kan hin dandeenye immo haa soomanuu.” (Sahih Al-Bukhari 5065, Muslim 1400) Hiikkaa: Fuudhuun/heerumuun fi soomuun, araada akkasii irraa nama eega. Xumura Pornography laaluun miidhaa badan nama irraan gaha. Fedhii baddu to’achuun, fiilmiiwwan akkasii irraa dheessuun, Qur’aana qara’uun, zikrii gochuun, bultii keenya baraaruu fi jireenya keenya akka tasgaboftuuf nu gargaara. Mee haa tattaafannu! Allaahaan nu haa gargaaru!Erga media
Comments